謝安琪近日忙於為四月的暫別演唱會做準備及宣傳，早前她接受電台訪問時重提當年因某些輿論及謾罵致壓力爆煲，令她曾出現幻聽及幻覺，更拒絕見人，幸得老公張繼聰做苦海明燈，助她渡過人生的一次難關。 文：音樂組

Kay接受電台訪問時憶述當年因輿論壓力，曾出現幻聽及幻覺。

謝安琪（Kay）的歌曲不時以香港時事作題材，亦因而為她在內地吸納不少歌迷，可惜原定內地逾十場的演唱會「被泡湯」，她稱當中涉及太多複雜原因，自感無能為力，對內地歌迷深表內疚。

壓力大到唔想見人

在訪問中，阿Kay重提當年被人憑空捏造傳聞，最受不了是指她與有家室的男人有染，在輿論下壓力爆煲，於2009年患上情緒病：「喺重重壓力下，漸漸發覺我唔能夠再承受，試過有幻聽、幻覺，試過走喺街上覺得有石頭向我衝過嚟，嚇得我即刻踎低！同屋企人食飯時，突然無緣無故流眼淚，連抹眼淚都唔知道自己喺度喊，可想而知當時精神壓力有幾咁大，壓力大到我唔想見人。」

老公護航跨過難關

阿Kay表示除接受適當治療外，還感謝老公張繼聰護航，才能渡過難關：「當時阿聰承受嘅壓力絕對唔比我小，大家都受盡抨擊，不過佢就乜都攬晒上身，喺我面前表現到好堅強、扮到好硬淨，仲不斷同我講好多道理、安撫我情緒。但我知佢其實都好難過，他嘅修行真係好高。」至於兒子張瞻亦是阿Kay的人生轉捩點，令她學懂熱愛生命，要顧及他人感受，做一個更好的人作為囝囝的榜樣。