劉佩玥、馮允謙及張彥博前晚為劇集《一屋老友記》開工，而佩玥的好姊妹陳瀅前來探班，與何猷亨熱戀的她透露，情人節已相約佩玥，準備買鮮花及朱古力為開騷的好姊妹何雁詩撐場，卻避談如何與男友共度首個情人節，她說：「唔答喇！（14號淨係陪佩玥同何雁詩？）要支持何雁詩，我上次出騷要唱歌，佢哋都嚟撐我（買咩畀男友？）唔答。（第一年過情人節係咪特別期待？）唔係呀！咪同上年一樣同好姊妹過，好開心佢兩個仲肯受埋我玩。（大家帶埋另一半出嚟玩？）唔會喇！三個女仔都夠。」對於被指與伍允龍於新春期間撐枱腳，佩玥笑說：「朋友食飯好正常。（情人節同伍允龍過？）都話約咗陳瀅咯！」

陳瀅（右）與佩玥攬實合照，姊妹情深。

佩玥與允謙拍劇時攬咗30幾次。

張彥博在劇中遞紙巾安慰流淚的佩玥。

至於馮允謙則表示劇中演回自己，不同的是要講中文對白，與其真人中英夾雜有分別，他又稱情人節在工作中度過，故稍後會與圈外女友食飯睇戲補數：「我哋識咗好多年，兩個幾月前復合番，佢係好好嘅女仔。」