「胡說八道會」成員胡定欣、黃智雯及李施嬅新春期間相約聚會，定欣表示有帶男友到場，但沒有被催婚的壓力。對於新婚的胡杏兒缺席，定欣笑言一定要追到對方的利是！

胡定欣表示男友見慣家長，所以沒有催婚壓力。

視后胡定欣及藝員張彥博昨日到西營盤拍攝無綫新劇《一屋老友記》，定欣透露新春佳節有帶男友陳明道、好友黃智雯和李施嬅返家拜年，母親負責下廚，問到是否正式見家長？定欣笑說：「都唔係第一次見啦！（有冇催婚壓力？）開心食飯，冇壓力，但有朋友叫我逗埋呢年利是好喇！我盡力啦！（男友有冇畀咩承諾？）冇呀！（情人節點過？）要開工呀！大家都忙，慶祝都唔一定要正日呀！」

提到已婚的胡杏兒及胡蓓蔚不在港，豈不是走甩了她們的利是？定欣笑說：「走唔甩！杏兒仲講笑話要避年，我話唔慳得，婚後第一年一定要派。」又笑言近日狂食糕點，令弗爆的她面脹了少許：「唔緊要啦！新年係要家肥屋潤，過完年再操番腹肌。」

黃智雯神秘禮物冧男友

至於黃智雯昨日返電視城拍攝新劇《律政強人》，笑言是放四天假後首日開爐，放假除陪家人外，亦有煲劇做功課。明日是情人節，她已安排好與家人食飯，趁人日與家人聚首一堂，並已將神秘情人節禮物送給男友：「希望佢啱用啦！（男友送咩？）有冇都冇所謂，但都會食飯補祝。」而李施嬅除了拜年活動，更獲友人朱凱婷及戚黛黛等慶祝生日，令她大為感動，在微博分享喜悅！

此外，近日未見姚子羚出現在「胡說八道會」的活動中，有指她被愛犬咬傷左臉頰，需縫針及停工一段時間。對此智雯表示子羚正在休息：「希望佢快啲好番，不過大家冇見過面，佢新年陪屋企人，劇組都等緊佢。」

文：影視組