陳嘉寶（Anjaylia）及蔡穎恩（Evelyn）今年情人節要在工作中度過，故會提早或延遲慶祝，Anjaylia將炮製愛心晚餐，而Evelyn則會送上綵排了整個新年的舞台劇及親手製作的小禮物給男友。問到有否被親戚追問婚事？Anjaylia說：「冇，喺親戚心目中，永遠都覺得我係細路女。」

Anjaylia及Evelyn（右）表示情人節要在工作中度過。

Anjaylia考慮為男友炮製愛心晚餐。

Evelyn會提早與男友慶祝情人節。

Anjaylia笑言與男友行街睇戲已經好開心。

蔡穎恩及陳嘉寶事業、愛情兩得意，她們新年當然會到男友家中拜年，Evelyn笑說：「我男友嚟親我屋企拜年，都會買好多海味、餅乾，我爸爸每次都叫佢咩都咪買，男朋友又堅持要買，見到佢哋兩個鬥嘴，真係好得意。」

炮製愛心晚餐

問到有否被親戚追問婚事？Anjaylia說：「冇，喺親戚心目中，永遠都覺得我係細路女。一有人提起結婚呢件事，父母都會即時話『邊有咁快』，幫我解圍。」明日便是情人節，二人均表示未能跟男友共度，Anjaylia表示男友不在港，她亦要出席活動，故會延遲慶祝，更考慮炮製一頓愛心晚餐給男友。至於想收到甚麼禮物？她說：「簡簡單單咁行街睇戲已經好開心。」

親手做小禮物

而Evelyn則表示明日是舞台劇首演，但男友未必能捧場：「佢工作好忙，仲未確定嚟唔嚟到，希望佢嚟到睇我演出啦！我哋都會提早食飯慶祝。」她還肉麻地說：「日日都係情人節，心中有對方就OK。（準備咩禮物？）準備好舞台劇畀佢睇，因為佢之後會嚟睇我演出，同埋都想親手做啲小禮物送畀佢。（你想收咩禮物？）我想佢有假期，因為佢實在太忙，要佢放假先有機會兩個人相處。」而整個新年都忙於綵排的她，笑言新年願望是公演順利。

服裝：jack will　

髮型：Hei @ Xenter

文：名人組