不少無綫小花靠穿泳衣亮相節目，「凸」圍而出，無綫女藝員朱智賢最近在旅遊節目中穿泳衣大晒弗爆身材，獲網友封為新咪神，成功上位！

朱智賢到台灣拍攝旅遊節目，着泳衣歎盡各式温泉，力谷C Cup上圍。

朱智賢自嘲身材未夠豐滿，對新咪神封號不敢當。

朱智賢表示浸泥漿溫泉是特別的體驗。

前落選港姐朱智賢（Ashley）主持的J2節目《3日2夜》於上周六及今晚播出，她到台灣拍攝旅遊節目，搏到盡換了四套泳衣享受各式温泉，力谷C Cup咪咪及有馬甲線的纖腰，身材弗爆，成為網友新寵！繼張秀文、陳婉衡及林泳淘後，Ashley獲封新咪神，泳照被截圖瘋傳！

浸住泥漿敷Mask

Ashley自嘲身材未夠豐滿，對新封號不敢當：「唔覺得自己係咪神，之前幾位咁『胸』湧澎湃，但真係好驚喜，節目播出後多咗好多人留意，Instagram增加幾千人Follow，嚇親呀！好多人讚我禾稈冚珍珠，估唔到身材咁好。（之後多啲性感示人？）睇工作需要啦！可以繼續着泳衣，但唔想大家標籤咗我行性感。」

Ashley表示此行相當難忘，因工作人員是全男班，她穿泳衣拍攝難免感尷尬，而且拍攝期間氣溫只得幾度，要捱冷露肉：「上落水温差好大，上水時凍到震晒，一度覺得唔舒服頭暈！不過體驗好特別，最難忘泥漿溫泉一路浸、一路敷Mask，另外日式溫泉泉水有豐富蛋白質，聞到有蛋白味，浸完真係滑咗！」

鏡頭前Ashley不斷狂擦美食，但她笑言第一日穿泳衣自覺太肥，之後每樣美食只輕嘗幾口，終成功減磅。

文：影視組