楊愛瑾（Miki）與男友郭永淳、鄭敬基（Joe）與女友Angie今年都會拉埋天窗，兩對情人婚前積極收身，分別被《好報》拍到煙韌跑步及拍拖逛街，Miki被問到有指年中結婚時說：「總之到時會通知大家。」她表示與男友都愛健康生活，每星期跑兩、三日步：「我哋好鍾意運動，經常約埋一齊跑，約唔到都會分開做。」

鄭敬基與女友於大年初三出席春茗，非常Sweet。

鄭敬基到沖繩出席好友的婚禮。

Miki與郭永淳被拍到一起跑步。

而Joe於明日情人節未能陪未婚妻，他昨日說：「第一個情人節陪唔到佢，因為我依家喺沖繩，我未識佢時已經應承咗個兄弟見證佢婚事。」他透露正積極籌備5月婚禮，4月他與未婚妻將結伴到加拿大參與福音分享會：「佢好支持我會一齊去，仲係第一次見我啲屋企人同朋友，我會介紹佢哋識，大約都有成一百人。」