歌手洪卓立（Ken）與女友湯怡（Kathy）拍拖近九年，踏入半同居階段，依然愛到滿瀉！Ken提早準備情人節禮物，當去到電器舖時，居然一支箭飆入遊戲機部，原來是準備買遊戲機配件給女友！不過他表示女友不愛打機，但又「死雞撐飯蓋」地笑說：「如果我可以令佢投入打機，大家去大家嘅世界，係幾咁美好！」儘管事情看似不合理，但他仍霸氣地說：「我嘅嘢咪即係佢嘅嘢！」期間他見到一台賽車遊戲機，即急不及待坐上去玩，一邊揸軚盤一邊傻笑，在「馬路」上飛馳足足半小時！

美容戰士出擊！

Help！！點用o架？

喂！又話買禮物畀女友？洪卓立竟然掛住「鍊車」！

洪卓立同湯怡拍拖九年，「老夫老妻」買咩都咁冧啦！

其後Ken又走去美容電器部，但看到產品時完全一頭霧水，他對其中一部眼部按摩機特別好奇，即時戴上頭試試，還笑說：「依家我係咪好似未來戰士？」最後揀完一輪禮物後並無斬獲，決定放棄，不過仍甜絲絲地說：「佢係一個諗一個鐘食咩嘅女仔，唔會物質得去邊，所以唔買禮物畀佢，佢都唔會太介意！」

場地：Logitech、香港蘇寧MegaBox店

服務：Avenue1218

髮型：DavyYu＠FIFTH Salon