新春佳節，林盛斌（Bob）四出拜年及「集郵」，期間他野生捕獲與黃心穎非常似樣的外籍家傭，連黃心穎本人也覺得似樣！

林盛斌在拜年期間遇上朋友的家傭時，驚覺對方與無綫小花黃心穎非常似樣，猶如孖生姊妹，立即合照並在微博展示野生捕獲「藝人」的戰績：「去拜年見到黃心穎！」又指這位「心穎姐姐」抱着BB餵奶時神情和心穎「似到癲」，即時引起大批網民熱議，並笑指Bob的確獨具「慧眼」，連曹永廉也加把口：「心穎冇化妝靚啲！」身為「好姊妹」的黃心穎亦玩埋一份：「我在越南曬了一日就變成咁，粉底都慳番！」而Bob之後更跟十多名來自印尼和菲律賓的家傭合照，他說：「我夠膽講，我喺菲律賓同印尼家傭呢個界別嘅受歡迎程度唔會輸畀朝偉！」他其後再上載另一張合照，指相中的男性朋友激似G.E.M.，更稱他為「深水埗少男版阿G.E.M.」！

C君輸到面黑

另外，蕭正楠和黃翠如偕洪永城及唐詩詠到農夫成員C君家中拜年，並齊齊小賭怡情發新年財！翠如在社交網站打Hashtag：「多謝C君不停跌錢」，暗示C君在賭局失手！而C君亦反擊指合照時被翠如的手遮住，令他面上有黑影搞到「面黑」！

文：專案組