呂慧儀（阿蟹）與張頴康日前拍攝《一》劇的兩場咀戲，兩人三Take搞掂，先由阿蟹扯張頴康衣領埋身，再用力送上肉嘴，張頴康表現驚訝卻相當配合，攬實阿蟹纖腰，落力咀足十秒，再Take一次時二人同樣賣力地咀！第二場則是搞笑版，阿蟹以新娘抱方式咀張頴康，張頴康High到抬腿，同樣咀足十秒兼一Take過！二人皆未有向另一半備案，張頴康指阿蟹老公黃文迪常來探班，令他拖阿蟹手時感尷尬。阿蟹則不擔心老公「詐型」：「但怕囝囝大咗睇電視會唔知點諗。（怕佢睇呢場戲？）一播呢場咪遮佢對眼囉！」

呂慧儀與張頴康落力拍攝兩場咀戲，後者更搞笑抬腿。

呂慧儀與張頴康先調情，再埋身互送肉嘴。

至於張頴康老婆麥雅緻則未有介意，又指待囡囡大一點會透過角色扮演遊戲令她了解他們的工作。黃文迪則笑言不知情，但明白工作需要，不會介意，又笑言囝囝冇機會知，因他不讓囝囝看電視。