香港股市大幅下瀉，昨日回到將軍澳電視城開工的張繼聰直言未受波及：「好耐之前買過幾萬蚊，跌到幫我買嗰個朋友都走咗佬。依家就買基金，最緊要穩陣，以穩健為主，股票上落對我都冇乜影響，就算依家股票跌到咁多，都唔會趁低吸納喇！買基金穩穩陣陣就得。」

穿上浴袍的張繼聰自嘲脫星，更狂減20磅。

提到昨日穿浴袍裝，他即自嘲脫星又要剝，新正頭與蘿蔔糕無緣：「我要匿埋喺廚房食烚菜，淨係可以聞。（太太支持？）佢都好好，都唔會喺我面前大魚大肉，喺出面食完個米粉先至會返入房。」對比最高峰160磅的時候，繼聰笑言現時減去20磅連屁股都消失：「出面啲導演都話我Body咁好，可唔可以拍多一兩場戲呀，我都直接話要加錢。」