徐榮的4個月大女兒徐心怡，在處境劇《愛˙回家》中演「馬家好」成為矚目新星，今年是徐榮與囡囡第一年過農曆新年，他笑言可以袋多一封利是：「我會幫佢保管住先，會帶佢去拜年，盡量都會喺兩至三個鐘內，因為要餵奶同換片。」

徐榮抱着女兒徐心怡，開心不已。

原來徐榮的大仔徐朗已9歲，問會否呷妹妹醋？徐榮笑說：「哥哥喺呢兩、三年不斷求我哋生個妹妹出嚟，佢有祈禱話畀個妹妹出嚟，咪同老婆試吓囉！之後點知真係有咗，有次去產檢知道係個女仔，哥哥聽到之後喊咗出嚟，原來佢開心到喊。又有次我哋做完產檢見到妹妹輪廓，哥哥又望到眼濕濕。」

場地：PaperClip