樂壇天后容祖兒和張智霖夫婦昨日現身機場，祖兒上機前向現場粉絲大派利是，又Sweet爆直認與男友劉浩龍互相入屋拜年：「我哋係有禮貌嘅小朋友！」文：影視組

祖兒到美國會合李克勤開騷，笑得好甜嘅佢直認有同劉浩龍互相入屋拜年。

祖兒入閘前拍片直播派利是畀粉絲，我又要！

Chilam同阿靚帶囝囝魔童去旅行。

樂壇天后容祖兒、張智霖（Chilam）和太太袁詠儀（阿靚）及兒子魔童等，昨日現身機場。祖兒透露啟程到美國與李克勤「合體」開騷搵真銀，一身型格打扮的她獲近三十位粉絲送機及拜年，心情大靚的祖兒逐一大派利是，更與粉絲自拍及進行網上直播，Nice爆！

下廚得個樣？

祖兒受訪時表示將到拉斯維加斯和紐約舉行三場演唱會，問到可會留在當地遊玩？她說：「唔會，要趕返香港，因為之後要去澳門做騷。」談到日前在網上晒下廚相，她笑言正學煮齋菜：「其實我只係走埋飯煲度影張相。」問到與男友劉浩龍可有互到對方家拜年？她甜蜜直認說：「有呀，我哋係有禮貌嘅小朋友。」

張智霖舉家旅行

至於Chilam與阿靚則帶同兒子魔童及另一位小朋友出發到新加坡旅行，出名恩愛的Chilam及阿靚以粉紅及深藍色外套「襯到絕」現身，有遊客要求合照，兩人亦有求必應，大方有禮！