靚媽鍾麗淇（Margaret）一家四口今年在港慶祝農曆新年，去年誕下二女Michela的她笑言生完要化靚妝過年，找來好友著名化妝師劉德偉教大家化猴年利是封妝。她表示今年可以幫兩名女兒（手豆）利是：「我幫大女開戶口儲起晒啲利是錢，留番有需要時用。」

鍾麗淇與化妝師劉德偉向大家拜年。

劉德偉為大家示範化猴年利是封妝。

忙於湊女的她笑言今次有經驗，一早請了陪月及傭人幫忙，輕鬆得多：「生第一胎大家都話搞得掂，我嗰時都好大壓力，因為唔知BB為乜喊，今次Michela易湊啲，食得好，4個鐘醒一次飲奶，我搞到好似Zombie（喪屍）咁。」問到會否追多個弟弟？她表示不會因為性別而生，一切順其自然。