又到大年初三「赤口」，一向姊妹情深的組合少女標本平日死忍爛忍，今日終於頂唔順要「爆」喇！她們受訪時由外表講到生活，愈講愈激動，互爆大鑊，更講到互扯頭髮！

少女標本赤口應節互片，玩踢爆玩到面紅耳赤！

互片過後又好快Friend番，話晒都係好姊妹！

組合少女標本平時斯斯文文，看似溫純有禮，而且四人情同姊妹，但踏入年初三「赤口」終於忍唔住要「爆」！成員袁紫僑（CoCo）、許雅婷（Kabby）及簡淑儀（Jessica），撇下忙於拍劇的溫心（Swan），相約出來互爆大鑊，愈講愈激！

CoCo煩住晒

起初三人一直平心靜氣，問到為何溫心常常缺席？她們表示溫心多工作，還大讚她最有異性緣，Jessica說：「溫心個樣好有仙氣！」問到誰最漂亮時，Jessica突然爆出一句：「Kabby唔講嘢時都幾有仙氣。」CoCo再加一句：「頂唔順Kabby有補妝強迫症囉！」可能Kabby聽完後「嬲嬲豬」，立刻回敬：「我哋個個都鍾意補妝啦！我唔係呀！我係最鍾意梳頭！」愈講愈激的Jessica大爆CoCo平日多愁善感，愛在半夜時狂傳短訊煩住大家：「CoCo超煩！仲有佢平時都眼闊肚窄，食嘢叫得最多，但唔會食晒！」CoCo懶理指控，自顧自說：「我最鍾意食芝士，之前食咗個Pizza，入面有好多芝士！」

好番話咁易

最後三人拉埋不在場的溫心落水，CoCo大爆溫心每次出Trip都很大排場：「有次溫心去做嘢，佢帶咗五部手機同三部相機！」發洩過後，她們終於和好如初，問到新年願望時，更異口同聲表示希望事業順利，來年可以開Mini Concert，好姊妹果然心有靈犀！

文：張敏妍

攝：秦健輝