「星夢一哥」許廷鏗（Alfred）過去一年亦為公司賺得逾百萬，謙虛的他笑說：「數字嘅嘢唔提，展望未來，猴年繼續努力！」不少星夢歌手都會接拍無綫劇，問到今年會否拍劇？他說：「可以試吓，想拍啲有關音樂嘅微電影，有番音樂元素喺入面會自在啲！」一直屈居做「阿二」的胡鴻鈞（Hubert）則最想開騷：「想音樂上有多啲嘗試同突破，小型音樂會已經好滿足！」

去年大豐收的許廷鏗猴年繼續出擊，希望一嘗拍劇滋味。

許廷鏗指一眾星夢歌手有默契又有火花，睇佢哋食開年飯玩到癲就知啦！

對於星夢有意於年底舉行群星演唱會，Hubert說：「聽Herman（唱片公司高層何哲圖）講過。」Alfred舉腳支持說：「星夢歌手愈嚟愈搵到火花，撞到默契出嚟，如果擺落個騷幾好睇！」至於單身多時的鄭俊弘，被問到是否要搵個女伴？他說：「順其自然，緣分嚟就嚟！」