Twins出席活動時透露，日前與同事到老闆楊受成家開P兼小賭怡情，老闆每次贏錢都會派錢，引起搶錢人潮！雖然她倆險被壓扁，但成功「爭取」可觀新年財！文：音樂組 攝：樊愛慈

Twins表示日前在老闆家搶到不少利是，收穫甚豐。

許靖韻（左起）、馮允謙和林欣彤出席活動大玩遊戲。

一眾歌手倒數迎新年，非常熱鬧！

組合Twins前晚出席大除夕倒數迎猴年活動，她們透露日前和同事在老闆楊受成家開局：「我哋冇賭，老闆一贏錢就派錢，大家係咁去搶錢，我哋差啲畀人責扁。（你哋搶到幾多？）都好可觀，但我哋唔係搶嘅，係好努力爭取番嚟！」談到新年的節目，蔡卓妍（阿Sa）表示會到處拜年，而鍾欣潼（阿嬌）則笑言每年派利是派到入不敷支。

遊日唔預「送花男」

本周日情人節，阿嬌會到加拿大探導演劉鎮偉和親戚，而阿Sa則會與一班朋友到日本旅行。問到可會與早前傳緋聞的「送花男」同遊？她說：「我都話嗰個係Fans嚟，你哋又唔信。」提到舊愛陳偉霆在內地拍戲受傷，阿Sa即表示不回應。同場的林欣彤表示仍未能收爐，因初一至初三要擔任溫拿演唱會嘉賓。

洪卓立避談「雙封」

另外，Twins師弟妹洪卓立和鍾舒漫等作客賀年節目，與女友湯怡感情穩定的洪卓立被問到何時派「雙封」利是？他即拖鍾舒漫落水扯開話題。