歌手周柏豪與吳業坤（坤坤）前晚出席迎猴年倒數活動，只放初一、二的柏豪，初三便要到澳門開工大吉：「去做花車巡遊，有工開最幸福！」惟他自爆年廿九的不開心事：「屋企隻小貓離開咗，媽咪都好傷心，所以帶咗佢去食甜品，等佢心情好啲。」他又估計初三開工會收到大疊利是，他亦預了五位數字利是。問到現時市道差可會影響酬勞？他指每年薪酬都有「進步」，新年願望最緊要身體健康。

初三啟市的柏豪，年廿九落力放Sing迎猴年。

坤坤承認工作多兼荷包有進帳，卻不覺地位「升級」！

坤坤則因可跟「柏豪BB」倒數而感開心，亦已準備大派印有自己卡通樣的利是：「係朋友幫我設計，收到嘅人可以Keep番留念嘛！」問到可有加家用？他說：「有呀！仲陪媽媽買蘭花。（講價？）老闆好忙，唔得閒理我，新年應該畀人賺吓錢，大家開心吓！」初一至初三他都放假，為好好休息而熄掉電話訊息。