去年工作不斷的張智霖（Chilam）絕對過肥年，猴年雖然繼續瓣數多多，卻暫且擱置導演夢，認為品質更重要，故他先學習當編劇，更有意成立個人工作室。至於生猴B大計，Chilam笑言一切天注定！文：影視組　攝：攝影組

猴年Keep住忙個不停的Chilam，透露將參與內地綜藝節目再吸人仔。

Chilam計劃帶囝囝魔童行善，不想他身在福中不知福！

張智霖日前到主題樂園品嘗開年盆菜，於內地真人騷酬勞達千萬人民幣的他，甫踏入猴年即公布好消息，稍後會再到內地參與綜藝節目《安全總動員》，卻不願透露酬勞是否豐厚：「今次係我入行以嚟第一次同粉絲一齊參加節目，節目主要係提高大家各方面嘅安全意識，好有意義，同埋下半年我都有個舞台劇演出計劃，傾咗大部分，算係一個新嘗試。」

訪老撾惜福

Chilam收爐前偕太太袁詠儀為內地真人騷《一路上有你2》開工，二人更為節目先後到訪老撾、西班牙的西維爾及馬德里等地，雖然行程緊密，卻令Chilam相當難忘！他表示從沒想過老撾僅得7度低溫：「我哋到訪當地一間學校，啲同學連厚衫都冇，但又好自律咁上堂同排隊，提醒我要惜福。」

早前曾揚言有意處男下海執導演筒的Chilam表示劇本未合心水，故暫時擱置計劃：「想做到大家聽到我個名就覺得係信心保證，作為演員咁多年都冇遇過真正嘅好劇本，遇唔到惟有等吓先，或者主動啲，自己學寫。（想成立工作室，電影創作方面有多啲自主權？）有諗過但成熟啲先講。」

魔童留身邊

雖已育有一子魔童，惟太太袁詠儀仍有意追猴B，Chilam說：「我OK，家庭同小朋友都要睇天安排，順其自然啦！唯一問題係我覺得香港教育制度扭曲咗，好難認同。（計劃送魔童去留學？）我已經成日飛，唔多時間見佢，畀多啲時間佢留喺我身邊先啦！」

化妝：Hetty Kwong

髮型：Vic Kwan@ii Hair & Nail

服飾：I.T.

場地：香港迪士尼樂園