阮小儀自爆對高大威猛的周潤發情有獨鍾，希望發哥可帶她進軍荷里活，但搞笑的發哥笑言至多可帶她行荷李活道。

小儀：我愛發哥！因為發哥高大囉！我咁細粒，梗係鍾意高大嘅男士啦！仲有我聽聞發哥係非常好嘅男人，除咗對身邊女人好，對所有女仔都好好！你有冇諗過加我喺你嘅戲入面呢？過鏡都得！我想去吓荷里活發展呀！畀個機會我呀！

發哥：小儀你咁嘅高度，你過鏡會畀我遮咗喎！如果你真係想去荷里活，坐港鐵去到中環行兩步，喺威靈頓街轉上去就到荷李活道喇！又或者你去鑽石山啦！一上去就係荷里活商場喇！香港都好多荷里活，我都係喺呢啲荷里活出身。