龍劍笙（阿刨）趁大年初一向戲迷拜年！阿刨已數年沒留港過農曆新年，由於剛完成一連十六場的《紫釵記》全劇，加上現年107歲的母親想齊齊過年，阿刨決定初四才返回溫哥華。離港前，她相約好友丘亞葵（Vigo）及有份演出《紫釵記》的鄭雅琪、李沛妍、黎耀威和梁煒康等新秀食開年飯，慰勞後輩！問到如何培育下一代，讓粵劇持續發展？她謙虛地說：「唔敢講培育，反而多謝佢哋！佢哋用心演，每晚都有不同感動位，好開心！」

李沛妍（左）及鄭雅琪用心演戲，阿刨一於約食開年飯慰勞後輩！

問到新年留港如何慶祝？阿刨透露會陪母親打牌：「媽媽叫我留低過埋年先走，大家多啲時間相聚。我會陪佢打麻雀，託賴佢好精神，好精靈，牌就搵人摸，佢負責指揮打邊隻，107歲喇，好犀利！」問到誰贏得多？她說：「佢識自摸，牌又高章，我哋同佢打規定自摸先食得，所以佢贏得多！」場地：富臨飯店