「孫悟空」郭富城陪大家過新年！城城拍攝新片時耗盡體力，他笑言演藝事業日後不會有事情比今次更辛苦！他又透露會放假帶媽媽入戲院分享「成果」，猶幸電影預售成績理想，飲得杯落！文：影視組

有「美猴王」城城助攻，《西》片票房破億可謂冇難度！

城城花了不少心機模仿猴子，每個動作都似模似樣！

城城祝各位身體健康，龍馬精神！

在賀歲片《西遊記之孫悟空三打白骨精》飾演「孫悟空」的郭富城，在大年初一向東方報業集團讀者拜年，祝各位猴年心想事成，萬事如意！城城為新片瞓身演出，拍攝時付出不少汗水，今次拍攝賀年照再次「美猴王」上身，擺出不少動作模仿猴子，生動精靈！城城笑說：「係我習舞30年同埋結集拍戲20年累積得來嘅武術竅門之作，以後演藝事業上遇到乜嘢挑戰都唔驚，應該冇嘢辛苦得過呢次！」他又表示人生中有幸演一次美猴王已無憾！

毛衣千針刺

《西》片拍攝時間長達4個月，城城因造型導致皮膚敏感而長水泡，他說：「拍攝初期花咗兩個星期去拍『野猴裝』戲份，每次全身黐滿毛後，起碼有6、7個鐘唔可以去洗手間。上妝後要盡量避免情緒波動，因為一唔開心，辛苦感覺就會放大1,000倍，所以一開工就保持靜心！我着咗件用魚絲特製嘅『毛衣』，感覺好似同時間畀5,000支針拮住！」難怪他表示今年肯定是最難忘的農曆新年！

票房坐火箭 輕鬆破億

據悉，《西》片前日正式在港開畫，單日票房已破百萬港元，老闆王海峰透露內地票房預售成績亦見理想，輕鬆衝破億元人民幣！問到城城會否「再下一城」？他說：「暫時唔會諗喇！要睇吓自己體力應唔應付到，或者真係出咗劇本先再傾啦！」他曾揚言會帶「最愛的人」入場，原來是指早前接受過腸部手術的郭媽媽，齊齊分享努力成果！

此外，向來看重事業的城城透露7月會在港舉行有關音樂的大型演出，詳情稍後公布，令他相當期待！

髮型：Ian Wong@ii Salon　化妝：郭艷君

服飾：I.T./A Bathing Aape/中藝天工閣

場地：帝苑酒店　舞獅及動作指導：姜氏金龍醒師團