Cara G.師妹兼新進模特兒、有「翻版薛凱琪」之稱的鍾晴（Karlie），早前有份參與無綫綜藝節目《超強選擇1分鐘》，成為節目中「超強女助選團」之一，因而大受矚目，引起不少網民熱烈討論！擁有一雙迷人大眼的Karlie，在鏡頭前往往展現出甜到漏的笑容和表情，儼如「甜姐兒」般，但其實她亦有古露精怪的一面，可以在短短數秒內，輕而易舉做出多個趣怪騎呢模樣。

甜姐兒Karlie連伸脷個樣都Sweet過人！

Karlie最愛擺古露精怪表情，嘟嘴自然毫無難度。

Karlie自爆從小愛扮鬼臉，毫不介意「醜化」自己：「我不嬲都比較男仔頭，亦都唔介意同大家分享私下最搞笑嘅一面，身邊朋友都話我畀到人一種率真同自然嘅感覺，自己都好希望可以繼續堅持到呢一面！（拍劇唔介意做醜角？）絕對唔介意！自己一向都好鍾意睇喜劇，如果演繹到一個出色嘅醜角，絕對係一個好好嘅經驗同見證！」