今年是周慧敏投身演藝界30周年，她仍未決定會否舉行紀念演唱會，笑言採拖字訣，到經理人追她才算：「唔想咁快規限要點樣，會有壓力，唔一定開演唱會先可以慶祝，要慶祝同紀念做乜都得。我自問冇欠到Fans，04年出番嚟，呢10年我以Fans開心為本做咗好多嘢，我有幾錫佢哋，我知佢哋感受到，佢哋一直令我接收好多愛同支持，我好珍惜，依家要將我嘅愛畀番佢哋，有魄力嘅話我都會做！」

早已看淡名利得失的周慧敏，最珍惜的是一份情。

她又說：「呢30年最難忘係得到友誼，好珍惜同Fans仲有工作夥伴之間嗰份感情，佢哋成為咗我嘅推動力，我嘅工作係一份恩賜，當我仲可以擁有呢份職業，都想好好利用佢嚟回報大家。」