去年人氣急升的陳展鵬榮登馬來西亞視帝，連神級影帝周潤發都表示有留意展鵬在劇集《張保仔》中扮演「貝勒爺」的角色，展鵬對發哥讚不絕口，提議他開節目教觀眾養生，但發哥笑言怕麻煩，寧願優哉游哉行行山、拍拍戲。

陳展鵬提議周潤發開節目教觀眾養生，相信大家都想睇！

《張保仔》
劇照

展鵬：我鍾意發哥，佢夠高、夠靚仔、演戲又好，而且作為一個全能藝人，佢成日為港爭光！佢好努力，英文、國語、廣東話都早我哋20年就識，你話佢幾勁呢？﹗發哥，聽講你成日周圍去，又鍾意煮飯，其實你有冇諗過試吓開個節目，嚟教人煮餸同食得健康啲呢？

發哥：你咩都咪搞我啦！展鵬！我得閒行吓山，自己走去深水埗食個豬腸粉算！我想優哉游哉，你要買o架嘛！買完要煮又要洗，我又唔食得幾多！我奀挑鬼命。