網民：發哥咁鍾意行山，有冇諗過組團去喜馬拉雅山行？

發哥：唔得！死人o架！你知唔知組團去喜馬拉雅山要好多裝備？好多訓練？係好貴好貴？唔去得！咪立亂去！唔係上去大帽山呀！大帽山都困咗幾十人啦！千祈咪搞呢啲嘢玩，你哋只可以去邊度呢？麥理浩徑、衞奕信徑，有個地標，電話又可以搵到你，可以求救嘅地方先好去，咪去埋啲山旮旯地方，啲人搵你唔到！最安全係城門水塘、大美督水塘，大家都知你喺邊度，你千祈咪去啲山旮旯地方，咪行啲澗，有時如果落大雨山洪暴發，沖鬼咗你去邊都唔知呀！呀！仲有千祈咪去行啲要搵繩拉住過嗰啲呀！好危險呀！跌死你呀！

網民：發哥行山方面仲有咩想挑戰呢？全香港都畀你行勻晒。

發哥：未行勻！好多危險地方冇去，梗係唔去啦！跌咗落去，有啲地方係萬丈深淵嚟，搵唔到你o架！千祈咪搞。