與賭王四房公子何猷亨蜜運中的「宅男女神」陳瀅，日前率同公司的師妹吃團年飯，她預告新年會撇低男友回廣州與父親度歲。自稱最愛逗利是的她，揚言「有排」才會派利是，繼續只袋不派，看來何公子要好好努力了。

陳瀅預告會回廣州與父親度歲，睇嚟男友要獨自過新年喇！

Angela（左起）、Inez、陳瀅及Emma提早食團年飯，勁興奮！

Angela（左）新年會與家人到日本旅行，而Inez則會返澳門向長輩拜年。

陳瀅（Jeannie）日前與同公司的模特兒梁諾妍（Inez）、袁澧林（Angela）及鄭綽芹（Emma）到中菜餐廳吃團年飯，問到會否到男友何猷亨家中拜年？Jeannie避而不答：「我會返廣州同爹哋拜年，因為我喺香港做嘢之後就好少返去見佢，今年都會繼續黐住何雁詩，佢變咗我嘅親人，我會一起身就去拍佢門，佢同男朋友接近好事，可以攞定利是先。」問到何時到她派利是，她笑說：「我有排啦！再穩定啲先。」又指希望新年會在工作中度過。

遲拜年激嬲外婆

但Jeannie卻擔心因拍拖而被外界抹殺她在工作上的努力，她說：「我發覺我依家所有嘅衫褲鞋襪都關佢（男友）事，都有少少唔舒服，我會同之前一樣專注事業，唔會因為開始新戀情就懶咗，希望嚟緊呢一年可以證明到畀觀眾睇。（上年係你大豐收年？）係，希望今年會Double啦！」提到新年，她稱最開心是逗利是，習慣到新十五才拆利是的她，試過遲到向外婆拜年而被黑面，外婆還遲了幾天才派利是給她以作懲罰。

Angela私藏全盒糖

而Inez在澳門出世，每年年初一也會返澳門向長輩拜年；Angela今年則會與家人到日本旅行過春節，她又自爆到親友家拜年時會把全盒的糖果偷偷放在口袋內；至於Emma新年最愛行年宵及會自製湯圓。

文：名人組