黎耀祥、胡定欣、蕭正楠（Edwin）及唐詩詠等昨日到啟德「東華慈善嘉年華」宣傳無綫新劇《公公出宮》，黎耀祥透露缺席宣傳的陳國邦正身在台灣：「國邦去咗台灣，因為羅敏莊喺嗰邊拍嘢，佢去湊女，佢話會趕返香港，成班演員上我屋企睇劇集首播，初二落機就會趕過嚟！（台灣南部發生地震，佢有冇受影響？）佢好似喺台中、台北，冇事嘅，有事嘅話一早WhatsApp咗我！」

陳國邦與羅敏莊及女兒正身在台灣。

胡定欣抽到鮑魚刷，為黎耀祥清潔Pat Pat。

唐詩詠抽到百潔布，焗住幫蕭正楠清理腳趾。

席上，問定欣知否與她傳與不和的楊怡是否離巢？定欣說：「之前同佢傾偈，知佢就快約滿，但佢咩諗法，我就唔清楚，唔知係咪因為就嚟結婚。（佢話你知要結婚？）唔知呀！總之做咩都會支持佢。」無綫助理總經理杜之克昨日回覆本報表示正與楊怡傾續約，並指外傳楊怡推劇、決定不續約屬流言。