岑日珈師妹池希日前舉行歌迷聚會暨生日會，首次與歌迷聚會的她收到多個驚喜，歌迷除了送上她最愛的公仔立體蛋糕外，又播出多位藝人錄製的祝賀短片，邊睇邊喊的她說：「好感動，冇諗過有人支持，同埋會為我花咁多心機！佢哋仲特登搵莊思明拍片，因為好多人都覺得我似佢！」她感激歌迷的付出：「佢哋好有心，喺間房黐晒氣球同埋放有我名嘅牌，仲要多謝會長媽咪，佢親手整咗好多嘢食！」

池希

歌迷為池希送上立體蛋糕，又邀得藝人拍片送祝福，勁有心思！