可嵐參加了動作特技課程，期望新一年可以轉型做打女，務求唱得又打得！新人朗喬則最恨有人緣，打算趁新年圍着桃花轉！

可嵐（右）與朗喬約埋開餐，期望新一年事事順利。

朗喬新年打算圍住桃花轉圈，催旺人緣！

歌手可嵐（Colleen）日前帶同小師妹朗喬（Katrina）齊齊開餐，品嘗鮑魚及炸蝦球等賀年菜，寓意新一年招財進寶，永冇蝦碌！Colleen透露新年會帶囝囝到內地探望公公婆婆，希望乖仔學懂尊重長輩：「婆婆、媽咪、我同個仔四代同堂，都想有多啲家族Gathering，一齊過新年！」

最恨拍動作電影

她又自爆正參加動作特技課程，年初三便是畢業禮，屆時將展示3個月來的成果：「課程非常艱辛，好易整親，同埋一個星期練四日，每日都要三至四個幾鐘，係密集式訓練！」問到是否想向打女方向發展？她說：「呢個都係我今年嘅新方向，因為過去都係唱歌居多，少機會接觸電影，但我有學武術，好希望可以參演動作電影！」她又透露正籌備新碟，希望趕及在4月推出。

Katrina拜大佛祈福

Katrina則透露年初三會拜大佛，並笑言屆時會圍着桃花轉一圈，希望催旺人緣：「最想要嘅就係人緣，姻緣嗰啲就隨緣啦！」現時為無綫拍劇的她有份參演《味想天開》及《一屋老友記》等劇集，希望能夠得到更多幕前演出機會。她又表示快將推出新歌，實行多方面發展！

可嵐

髮型：Alex Chan＠Queen's Private i

造型：Tracy Fu＠WtyRioo Wonderland

朗喬

造型：Tracy Fu＠WtyRioo Wonderland

文：音樂組　

攝：樊愛慈

場地：美味廚