張韋怡（Go Go）去年下嫁商人並誕下囝囝Action，休息近一年半的她最近復出拍攝新劇《完美叛侶》，她表示囝囝剛過一歲生日：「冇大搞，同屋企人簡簡單單食餐飯慶祝，因為佢依家仲未好識分，等佢大啲先搞，反而仲會有記憶！」至於會否考慮再生一個？她表示與老公已經有共識，希望過幾年再生：「依家湊一個都分身不暇，等囝囝大個啲先，咁樣可以訓練佢做好哥哥！」

張韋怡復出拍劇冇壓力，不過心掛掛囝囝！

問到復出拍劇會否不習慣？Go Go說：「唔會，但係會掛住囝囝，不時拎啲相出嚟睇吓，收工就即刻返屋企睇個仔！」她又自言「坐唔定」兼喜歡工作，故未有考慮做全職媽媽。