歌手鄭敬基（Joe）昨日以嘉賓身份出席一個商界早餐會議，席間他與從事地產經紀的Angie宣布婚訊。Joe接受電話訪問時笑說：「點解你咁都知，的確係。」Joe自爆兩人由認識到求婚不足半年，他說：「教會邀請我做分享，佢係聯絡人，直至去年6月3日先認識。（幾時求婚？）舊年11月25日佢生日，（閃婚！）都係，心裏面好有感覺，好得意，通常係男仔畀女仔安全感，但佢畀到安全感我。」婚禮一事他想低調舉行，因為不想張揚宣傳：「唔係做騷，最緊要舒服，但今年一定會結。」而他亦第一時間通知一對子女：「由我哋拍拖開始都有同佢哋開心Share。」他搞笑地爆女友為人好直好簡單，是百分百圈外人，連他的好友錢嘉樂也錯認是余文樂。

鄭敬基表示去年於女友生日時成功求婚。