吳業坤近月人氣爆燈升呢成為「我最喜愛男歌手」，這位年輕人的偶像則視發哥為奮鬥目標，他好奇問周潤發若中六合彩會點使，淡泊金錢的發哥竟然唔恨中獎，一於將獎金捐出行善積福！

吳業坤讚發哥演技好及親和力一流。

吳業坤：我愛發哥！點解鍾意發哥？因為佢好代表香港，演技又好，親和力係一流，係我要好好學習嘅一個目標！我想問發哥如果你中咗六合彩頭獎，你會買啲咩定做啲咩呢？

發哥：我會中六合彩？如果係，就畀番馬會，馬會做善事嘛，我要嚟做咩鬼吖！香港好多慈善機構都會馬會資助。