周潤發在首集的《發哥有Say》中表示鄭裕玲（DoDo）是他在電視圈的最佳拍檔，又笑言拍《網中人》與《親情》時「見佢多過見我阿媽，嗰段時間我係投入咗，愛上咗佢，所以我對DoDo非常傾慕。」

DoDo踢爆周潤發當年以方法演技入戲。

鄭裕玲昨日亦在其自主持的電台節目中，談及與周潤發過往合作的趣事，她指當年跟發哥拍攝劇集《網中人》和《親情》時有很長時間都朝夕相對，笑言擘大眼就見到對方，又大爆當年發哥用方法演技入戲，兩人在《網》劇飾演情侶，發哥刻意將兩人的親密照放在銀包內幫助入戲。問到可有因此而「暗爽」時，她直言沒有理會兒女私情。其後她在節目內呼籲周潤發上她的節目做嘉賓：「發仔，大家合作咁耐，你都60歲人，你可以上嚟緬懷吓，冇乜幾多人可以做到，希望你可以上嚟，幾點都得，跟住放你去行山兼買餸。（周潤發話你依家有黃子華。）佢笑住講，佢乜都知，乜都有留意，我懷疑佢依家都喺度聽緊！」