關淑怡昨日以超Deep V出席個唱記者會，她指個唱服裝的性感程度由經理人決定，分分鐘性感無極限，又自爆有不同國籍的「男朋友」，可以組成「聯合國」！文：音樂組　攝：吳文聰

Shirley每次開騷都抱住最後一次的心態傾力演出。

超Deep V的Shirley表示歌衫是由經理人負責。

關淑怡（Shirley）將於4月23日在紅館舉行慶祝入行25周年的《The Best Of Shirley Kwan 25 Live關淑怡演唱會》，昨日她以超Deep V性感連身裙出席個唱記者會，大晒身材，並坦言未知演唱會的服裝是否更性感，一切都由經理人王敏慧負責，當身邊的經理人笑言性感無極限時，Shirley說：「佢話乜就乜啦。」

兒子係最大男友

這次Shirley找來西班牙及俄羅斯等多個國家的男舞蹈員參與演出，她坦言挑選舞蹈員時除了舞蹈水準外，對身形亦有要求。問到可會選靚仔舞蹈員？她笑說：「靚仔個個都鍾意！」又指不排除屆時會跳貼身舞。問到可有男朋友捧場？Shirley即自爆有不同國籍的男朋友：「我男朋友好多喎！有西班牙、LA嘅，聯合國咁，我的Dancer都係我男朋友，睇你點定義，我Boy Friend（男性朋友）好多，我個仔都係我男朋友，最大那個，佢話晒事。」

每次開騷都係最後

Shirley表示屆時會演唱不同年代的歌曲，問到兒子想她唱哪首歌？她指兒子不是她的歌迷：「佢鍾意聽依家年輕人鍾意聽嘅英文歌，我練歌的時候唱畀佢聽，佢會擰晒頭。」對於有傳今次是最後一次開騷，Shirley認為世事難料，所以每次都抱住最後一次的心態演出。