唐詩詠與袁偉豪在新劇有親熱戲，詩詠被爆NG 6、7次仍未夠激情，袁偉豪更指詩詠鼻高要就位錫，而詩詠被問到男友洪永城可有嫌她鼻高及Kiss的習慣時相當尷尬，僅不斷說「唔知」！文：影視組

詩詠與袁偉豪即場扮咀，非常搞笑。

詩詠全情投入玩電動賽車。

袁偉豪在電動賽車奪冠，黃德斌與詩詠屈居亞軍及季軍。

唐詩詠、袁偉豪、黃德斌與陳庭欣等昨日出席劇集《鐵馬戰車》宣傳，眾人更大玩電動賽車，最終由袁偉豪奪冠，同場宣布劇集上周最高收視為30點。

唐詩詠、袁偉豪、黃德斌與陳庭欣等昨日出席劇集《鐵馬戰車》宣傳，眾人更大玩電動賽車，最終由袁偉豪奪冠，同場宣布劇集上周最高收視為30點。

冇同另一半備案

談到被袁偉豪爆拍咀嘴戲NG達6、7次仍認為未夠激情時，詩詠笑說：「都冇NG，係有幾個Shot，場戲都幾緊要，事前都搵好多電影同劇集片段畀袁偉豪睇，但佢睇完冇反應，唔理我就行開咗，後來佢就話場戲應該溫柔啲，最後我選擇佢個溫柔版本。（錫咗好耐？）都耐，因為要唔同角度。」而袁偉豪笑言拍攝時特別播放情歌，提升浪漫氣氛，無奈詩詠的鼻子太高，故二人接吻時要就位。

問到拍咀戲可有向另一半備案？袁偉豪說：「拍嗰時都唔係今時今日發展到咁，都係拍嘢，同埋呢套係愛情文藝片，唔係動作嘛！」詩詠則說：「大家喺呢行都明白係做嘢。（平時兩邊咀都得？）唔知呀！（洪永城有冇嫌你鼻高？）唔知呀！（同劇嘅蔡思貝今日冇嚟？）驚咗我，佢今日有嘢搞啫！我會提出同佢一齊拉筋喇!都要恭喜佢入圍金像獎。」

德斌拍親熱戲尷尬

至於黃德斌表示在劇中與飾演其太太的簡慕華有親熱戲感尷尬：「場戲都激，但唔知最終剪成點，好在每次拍呢啲戲份，對手都係熟嘅，希望監製盡量就一就，咪要我咁盡啦！」