林峯昨日頂替因病入院的張敬軒出騷，雖然未知收入會入誰的荷包，但捱義氣的林峯表示只希望軒仔早日康復操肌。至於今日生日的軒仔昨日已出院。文：音樂組 攝：秦健輝

林峯捱義氣頂替軒仔出騷，又表示正為演唱會操肌。

帶領觀眾熱身的林峯與泳兒，非常認真！

林峯和泳兒見到多啦A夢和大雄，即變番大細路玩一餐。

林峯與泳兒昨日出席活動，即場與卡通人物多啦A夢及大雄一齊帶領觀眾熱身。談到這次頂替因肺炎入院的張敬軒出騷，阿峯表示聯絡過軒仔：「知道影響到佢把聲，希望佢快啲好番。」問到活動的收入會入誰荷包？他說：「唔知，只知係替佢，本身今日（尋日）都冇嘢做，只係去健身。」幸而今日生日的軒仔昨日已出院。

操肌食「少汁鮑魚」

談到四月底舉行的《HEART ATTACK LF LIVE IN HK林峯演唱會》，他表示正積極操肌，要瘦到「皮薄餡靚」：「我唔係要輕磅，係想練肌肉線條，要皮薄餡靚，個餡就練緊，個皮就要飲少啲水，同埋食嘢要好揀擇。」又笑說新年會封口禁食，只能吃「少汁鮑魚」。他又透露正構思如何跟女友吳千語過一個甜蜜的情人節。

泳兒拉隊做運動

另外，泳兒表示等軒仔病愈會帶他做運動，她亦試過因病失場：「嗰陣我本身要去台灣宣傳，但喉嚨個吊鐘發炎，講唔到嘢，入院5日。」