謝安琪（Kay）經理人夏森美昨日接受電話訪問時表示，Kay爆喊全因不能達成到內地舉行巡唱的承諾，令內地粉絲失望才內疚灑淚，絕非因賺少錢而傷心，他說：「賺錢係其次，我哋希望Kay喺和諧嘅環境下同內地歌迷見面，絕對唔係怕邊啲人，只係唔想因為開騷而可能引起不必要嘅矛盾，覺得有啲事情一定有過去嘅一日。」

夏森美表示Kay的內地巡唱並非「被取消」。

他再三強調Kay的內地巡唱只是暫延而非「被取消」，故毋須向有關主辦單位作出賠償，問到是否賺少千萬港元？他說：「都係。（4月後又休息咪再賺少千萬?）可以咁講，最近有內地、澳洲同東南亞主辦單位都搵我哋喺暑期舉行巡迴，但阿Kay真係要休息，所以唔做住。」至於Kay何時「復工」？他表示要等明年再決定，一定後會有「琪」。