黎耀祥前晚錄影賀年節目時透露，有份演出的新劇《公公出宮》將於初二首播，故今年不會出埠旅遊。問到對新劇收視是否有期望？他笑說：「冇所謂，不嬲都冇信心，但就好睇市場，到時觀眾出埠都冇法，依家科技發達可以上網睇番。（有收視承諾？）不嬲都唔重視承諾，呢啲當食生菜。」談到與汪明荃（Liza）合唱，自言要扮演鄭少秋的他說：「有啲難度，好似秋官瀟灑身段咁。（喺屋企練完先嚟？）唔使，我有睇《Sunday靚聲王》，之前同Liza合作都幾舒服，個Key又夾。」

與汪明荃合唱的祥仔笑言很難扮到秋官咁瀟灑。

獨身的黃宗澤希望情人節有人約會。

同場的黃宗澤則表示新年要宣傳新劇《警犬巴打》，又指湊巧遇上祥仔主演的劇集出街，令其壓力大增，問到預計收視多少，他笑說：「愈高愈好。」獨身的他坦言情人節要在工作中度過，但也有在微博呼籲大家約會他：「幫自己舖頭宣傳，依家都有幾千人約我，但真正嗰啲就未有人約，我好多朋友都有家室喇！」