前無綫體育新聞主播伍家謙(Vince)一直以新聞工作者的專業形象示人,但離開主播枱後,其反斗活潑的性格便逐漸浮現!他坦言鏡頭外,經常與太太以背誦周星馳電影的經典對白為樂:「我講完佢一定接到,雖然唔夠我熟,但都好犀利!(你最常講邊句?)尋日菲律賓工人行過街市,話有條友叫做賭神……」並大爆太太經常背誦《家有囍事》的對白。

伍家謙愛與太太背誦電影增添情趣,別具新意!

鏡頭外的家謙不失風趣幽默,仲好鍾意挑戰新事物。

問到平日與太太拍拖愛做甚麼?他大呻近半年工作較忙碌:「而佢除咗返工外都有進修,所以好少時間見。」又透露現時着手準備自家製作的節目:「2015年試咗好多新嘢,2016年會繼續努力。(個節目係點?)同體育有關,但有別於以前嘅節目,仲構思緊。」

此外,他早前與周潤發及郭富城合作拍戲,笑言過足戲癮:「終於可以喺現場感受到發哥嘅氣場!拍戲好有趣,希望之後可以繼續嘗試。」他又提到離開無綫後曾考慮出書,奈何因工作太忙而暫時擱置計劃:「都想今年着手搞埋佢!」