吳若希(Jinny)憑43吋長腿俘虜萬千宅男,出道僅5年已有十多名「緋聞男友」!23歲的Jinny大呻失實報道令追求者卻步,並揚言若26歲仍未覓得真命天子,便會參加Speed Dating找真愛!

吳若希

高人話26歲先會遇到真命天子,Jinny信到十足,暫時都唔諗拍拖。

Jinny先後兩次奪得金曲金獎,兩首代表作真係唱到街知巷聞!

鄭俊弘、吳若希
Jinny緋聞男友一大籮,鄭俊弘、周志文及溫家偉統統榜上有名!

周志文、吳若希、溫家偉

吳若希

吳若希

吳若希

Jinny(圖)同嘉欣一直被指爭做一姐,是非沒完沒了。

鍾嘉欣

生人勿近 非獨不可

「老是常出現」的吳若希緋聞不絕,不論合作還是擦身而過的男藝人,統統都是其「男友」,令她近年成為「封面女王」!緋聞男友一大籮的Jinny自認是惹火尤物,大感無奈:「冇得揀,亦控制唔到,有時都驚生人勿近。可能人哋行過嚟傾幾句,之後就畀人大寫特寫,真係幾無奈,最怕影響到人哋嘛!」孝順女Jinny對於家人受牽連最不滿,她說:「我係行內人寫我冇所謂,但真係唔想影響到家人,令佢哋有壓力。搞我唔緊要,但係咪搞我屋企人,大家要互相尊重!」對於緋聞男友多如天上繁星,她只輕嘆一句:「其實我覺得孤獨。」

曾有高人指Jinny的真命天子會在26歲及28歲才出現,問到現時若遇上心儀對象,是否都不考慮發展?迷信的她說:「唔諗住,因為都未必係真,唔想嘥時間同埋影響人哋。加上我咁多緋聞真係嚇怕追求者,倒不如將時間放喺工作方面同陪吓屋企人。」問到要追到她是否很難?她笑笑口說:「唔係吖!叻過我同錫我就得,最好有埋自信啦!」單身多時的她揚言若26歲仍未覓得另一半,屆時會參加Speed Dating:「OK!始終唔想亂拍拖,因為參加得都係有目標同穩定,唔係玩玩吓!(有冇參加過?)冇。」

住豪宅揸辣跑 Easy Job!

對於近年被指「突然富貴」,又租住豪宅又揸百萬名車,Jinny亦很無奈:「要解釋嘅已經解釋晒,報道永遠都誇張啲。我住緊嘅屋苑要兩萬到幾萬嘅租金,但偏偏就寫我租最貴嘅單位,根本唔係事實,同埋點回應佢哋都係繼續寫。」曾發誓沒被包養的她在過去一年密密執金,平均每月做四場商演,保守估計每場酬勞約八萬元,年收入近300多萬,每月交兩萬多租及揸辣跑可謂綽綽有餘!

身為「90後」的Jinny投資有一手,除了買基金外,亦買賣股票。提到近月股市波動,可有損手收場?樂觀的她說:「一日未賣都唔可以話損手,我買嗰啲唔急放,可以擺吓。」她於2012年修讀BBA(工商管理課程)後,便開始接觸股票及基金,亦有興趣做生意。不過,做生意需要投放不少時間,又要物色可信任的朋友合作,她最終還是接觸較穩陣的股票投資。她自爆在股壇投放了三分一身家,亦曾有意做業主:「依家冇諗啦!見樓價又跌緊,我想同番屋企人住,所以要買大單位先夠住,暫時都未畀得起首期,睇定啲同等跌多啲先啦!」

一姐是非停不了 我們都受傷

吳若希2010年簽約當年由何哲圖(Herman)揸Fit的星煥國際,隨即獲力捧。2013年底,無綫成立新唱片公司星夢娛樂,並委任Herman擔任行政總裁,Jinny亦跟着過檔,雖然公司有「一姐」鍾嘉欣,但得寵的她獲安排演唱多首劇集歌,連續兩年先後憑《越難越愛》及《眼淚的秘密》奪得「金曲金獎」!

對於不時傳與嘉欣BB爭做一姐,Jinny一笑置之:「唔使爭亦毋須爭,星夢係大家庭,老闆個個都錫同畀機會,只係上年年中聲帶有事,原本11月出碟,結果要押後到今個月。(唔心急?)唔急,上年都有劇集歌啦!」她在友人介紹下首次嘗試接受針灸救聲,效果理想:「都好得八八九九,其實少啲講嘢對聲帶最有幫助,不過對我嚟講都幾難!」

文:音樂組

攝:吳文聰

服裝:Ava Fashion

髮型:Nick @ O4

化妝:Lu

場地:都會海逸酒店