靚媽陳慧琳昨日騷白滑長腿出席簽唱會，感性的她講到兩個寶貝仔時又忍不住落淚，抹過眼淚的她大叫「黐線」，並踢爆細仔劉琛要着哥哥劉昇舊衫。

Kelly一講起兩個寶貝仔即喊，轉身拭淚。

感謝數百歌迷撐場的Kelly到台下和粉絲大合照。

Kelly晒長腿簽唱，又表示對新年美食難以忍口。

陳慧琳（Kelly）以拖尾裙出席簽唱會，吸引數百歌迷捧場，當主持問到有關其兩個囝囝亮相紅館舞台的心情時，Kelly忍不住落淚兼轉身以手拭淚，她笑說：「黐線！實畀老公鬧。」

狂食新年糕點

她透露今年會留港過新年：「因為之前搞演唱會後期，冇時間搞機票，所以留喺香港。（幫囝囝置新裝？）細佬着哥哥啲衫、而哥哥就有新衫着。」

身形Fit爆的Kelly表示為了巡迴演唱會努力Keep Fit，但難忍口不吃新年糕點，她說：「過咗新年就冇得食，所以搏命食。」對於有指環球將資源集中放在新加盟的李幸倪（Gin Lee）身上，Kelly力撐她說：「Gin Lee好值得捧，唔好嘥佢把聲，不過咪唔記得舊人。」問到劉琛是否要着哥哥舊衫？她笑說：「佢呢一世都係咁，直到佢賺到錢，環保唔好嘥嘛！」

文：音樂組

攝：林定兒