王宗堯出席Uber慈善活動，藝人聞訊反應各異。無綫小花張秀文說：「同事Call車，我黐車坐過，服務態度幾好，希望佢哋同政府協商到！（支持王宗堯？）呢方面等於政治，每個人都有唔同訴求，我唔會支持犯法嘅行動。」而周嘉莉承認是Uber常客：「佢哋手車好穩陣，又唔會拒載，安全過我揸車啦！（王宗堯做司機？）好多女仔會Call車。」莊思敏則將用Uber服務等同坐朋友車，故未有擔心過第三者保險問題。至於高海寧說：「喺美國都坐過，上車有水有叉電線，我當自己係的士乘客囉！」用聘用司機的林盛斌笑說：「真係唔記得有呢種服務。」

張秀文騷胸騷腿，揚言「事業心」重！

高海寧低胸裙開窿透視，性感迷人！

另外，張秀文昨日以性感打扮出席活動，做足安全措施的她，被問到來年是否繼續性感？她說：「我『事業心』幾重。（唔驚公司詐型？）『事業心重』喎！好事嚟嘅！收入多咗，我準備包5位數字大利是畀媽咪過年。」而高海寧昨日穿低胸裙到屯門出席代言美容店剪綵，其低胸裙有開窿透視設計，非常性感！她說：「我做足安全措施，唔怕走光。（新年帶男友鄧智偉返屋企拜年？）我冇男友，但會同家人返南京過年，探吓婆婆。」