音樂人雷頌德(Mark)與太太梁家玉(Jade)前晚出席電單車活動,Mark有份設計其中一款電單車,他表示也有為太太設計電單車:「我好似電車男咁,鍾意死物,就唔會出去搞三搞四。」Jade也附和說:「好在佢只係鍾意搞車。」兩夫婦均是電單車迷,Mark稱太太並非辣妹,只是大膽。問到婚後有否禁止太太揸電單車?Mark說:「揸電單車係冇問題,識嘅人會知道點樣小心。(將來會唔會畀小朋友揸電單車?)父母對小朋友實有影響,佢哋遲早都想學,要教佢哋安全駕駛。」

太太Jade駕駛電單車展英姿,Mark則與好友方力申、吳家樂、黃長興和袁偉豪分享揸車心得。

同場的方力申表示早具慧眼發掘到Mark的設計才華:「十年前我嘅唱片封套係由佢做藝術總監,當日去咗佢屋企影相,我話你間屋咁靚,原來係由佢自己設計。之後我爸爸嘅三間舖、我嘅電單車同電單車衫都係搵佢設計,依家已經請唔起佢。」小方笑言他日結婚會邀請Mark為他設計愛巢,以代替人情。