陳庭欣、林盛斌（Bob）和馬國明等昨日錄影節目《湊仔攻略》，與翟威廉的戀情傳足幾年的庭欣，被問到對方可是其結婚對象？她表示雙方正了解中，但結婚卻要諮詢全香港人及家中的鸚鵡。

戴上假髮的阿Bob（右起）與陳庭欣和馬國明錄影節目。

陳庭欣前晚穿宮廷裝擔任慈善晚宴司儀。

問到此後是否結婚？庭欣說：「都要保鮮期。（唔驚年紀大生唔到？）唔會，35歲前啦！距離依家仲有7年。（未揀定？）唔係，只係大家幫我揀定咗。（新年會唔會去威廉屋企拜年？）佢邀請咪去囉！（到時鬆章畀未來奶奶？）我唔係好識打牌，所以係戥腳Top List，魚腩吖！」

而三女之父的阿Bob透露拍攝時重拾當年為女兒換尿片的經歷，更指正努力造人追仔：「我定時腳仔軟，用力過度嘛！（再生女點算？）唔驚，圈入面四個女嘅爸爸唔太多。（生到個仔先停？）又唔係，太太都好健康，要趁後生博吓，所以呢排不設防造人，今年唔得就出年。」