「E Cup Iris」鍾采羲、師妹林莉嫻（Leslie）、文凱玲、劉偉強和何浩文等昨日在尖沙咀出席導演王晶有份投資的《金裝尚品（囍宴）》開張慶典。Iris穿Deep V裙晒三吋事業線，與穿黑色透視裝的Leslie鬥性感。

鍾采羲（圖）大晒三吋事業線，林莉嫻則以黑色透視裝騷灰色Bra，若隱若現鬥性感。

林莉嫻

文凱玲（左起）和何浩文合作無間，更齊齊出席王晶有份投資的新店開張。

唐紫睿以青春打扮示人。

農曆新年將至，Iris透露將到泰國度假4、5日叉電，早前甩拖的她自覺冇事業又冇愛情很慘，幸遇上老闆王晶，惟有寄情工作。問到Dry了多久？現年28歲的Iris表示自18歲起，沒遇上對的男生：「睇相佬話我會遲婚，所以冇喇！（冇愛情唔得？）係，我都想有人陪，我都想Fine Dine（正餐），但都唔知點解變咗快餐同散餐，我都好想食法國餐，但冇拖拍唔緊要啦！我拍多啲戲，喺入面搵多啲唔同男友當拍拖囉！希望遇到高大靚仔嘅對手啦！」問到是否想跟型男如古天樂合作？她說：「古仔後生《尋秦記》嗰個年代都好。（依家成熟得滯？）唔係，係我配合唔到佢啫！」

文凱玲則透露稍後宣傳三月上映的新片《我的極品女神》，緊接四月演無綫劇，兩套戲都跟何浩文飾演情侶，問她會否覺得悶想換拍檔？她笑說：「有同老闆講可以試吓唔同組合，日前見到Bob（林盛斌），我未入行前客串嘅戲每套都見到佢，點解正式入行後呢幾套冇？所以我哋話下次再拍要做情侶，應該好好笑！」

何浩文被問到跟空姐「新歡」唐紫瓊（Candy）的戀情，他表示未跟對方正式拍拖，但雙方發展不俗。談到近年跟文凱玲合作無間，拍戲更不乏親熱戲，可擔心Candy不喜歡？他笑說：「一啲都唔驚！因為我有預先同佢心理輔導，佢都冇介意。」