韓國天王Rain相隔6年再度於香港亞博開騷，吸引來自亞洲各地的樂迷前來捧場，亦有圈中人專程來朝聖，當中包括無綫藝人姚子羚、名模歐陽妙芝及琦琦母女等，羅霖則帶同囝囝前來睇騷。而內地女星黃聖依及其經理人楊子昨晚亦獲Rain邀請，特地從北京抵港睇騷。

勁歌熱舞的Rain炒熱全場氣氛。

Rain大晒高難度舞姿。

黃聖依與楊子結伴睇騷。

廿四孝媽媽羅霖帶埋囝囝捧Rain場。

演唱會約於8時半開鑼，Rain戴着墨鏡及身穿銀白色裝束登場，大嗌：「Are You Ready？」全場粉絲即時叫到拆天！他隨即以《It's Raining》一曲揭開序幕，期間脫下墨鏡單眼放電，惹來粉絲瘋狂尖叫。其後他演繹《I'm Coming》一曲，又大嗌：「Everybody Say My Name！」並再脫下墨鏡及扭籮冧粉絲：「What's Up HK！」又以廣東話說：「多謝，大家好，我係Rain，好多謝大家光臨。」其後用英語問大家他剛才廣東話說得如何。