伍倩彤（Gillian）由模特兒轉行做演員，為了在演出時展現更完美的體態，不時在家中進行多項改善身形的訓練：「首先有個瞓喺地嘅動作叫Bicycle V Sit，下半身似踩單車，上半身要左右扭動，主要針對腹肌同練馬甲線。另外有個後抬腿動作，針對腰部同大腿後面贅肉問題，通常現代女性缺少下半身運動，所以呢個動作做多啲都得。」她透露就算工作忙碌，每星期亦會盡量抽兩、三日做運動，堅持兩個多月終有顯著成果：「我試過做好多組後，第二日好痠軟，但只要適當按摩就可以好快擊退痠軟感，同埋做耐咗都慣咗嗰種感覺。」又認為若想達到收身消脂效果，每個動作做的次數都要多，否則只會變成鍛煉肌肉力量，令肌肉變大。

抬腿動作針對腰部與大腿贅肉，伍倩彤一周至少做三次。

伍倩彤靠Bicycle V Sit及抬腿動作練腹肌與馬甲線。