已單身四年的莊思敏透露獲多位術數師贈言今年有桃花運有拖拍，她笑言立春後會擺桃花陣招運，問到擇偶條件，她笑說：「已經好將就，最緊要相處溝通到，外貌唔重要。」

莊思敏今年有望破Dry，唔知樂瞳（右）嘅桃花運又如何呢？

大師李居明、麥玲玲、李丞責、莊思敏、陳自瑤及樂瞳等一同出席「開運」記者會。

大師李居明願出手為陳自瑤計算「播種」時間，以求一擊即中！

藝人莊思敏、陳自瑤、樂瞳與大師李居明、麥玲玲及李丞責等昨日出席《新春開運王》記者會，四年冇拖拍的莊思敏表示，多位師傅贈言她今年行桃花運，恨拍拖的她稱上半年會多外出結識異性，希望今年有着落！問到是否Dry爆？她笑說：「咁我有敷Mask嘅。（降低要求？）已經好將就，最緊要相處溝通到，外貌唔重要。（會唔會喺屋企擺桃花陣？）過咗立春都會。」

陳自瑤「擇吉時」造人

此外，大師李居明指可為陳自瑤計算「播種」時間以增加懷孕機會，問到可希望再生B？她說：「隨緣！又冇乜特別話幾時，要兼顧家庭事業幾困難，希望今年拍劇之餘可以做多啲主持。（生BB同老公有分歧？）又唔係分歧，佢想但又唔一定嘅。（老公想追仔？）你哋問佢啦！」

李居明「吹雞」搞大騷

至於15年後再主持無綫節目的大師李居明，與麥玲玲、李丞責及蘇民峰過去十多年都冇正式見過面，今次可謂惺惺相惜！他希望聯合術數界向聯合國「申遺」，將風水列入香港非物質文化遺產，因最近韓國打算將風水、命理「申遺」，認為冇理由將中國的風水拱手讓人，又希望成立香港術數家協會為大家爭取福利，更邀請麥玲玲、蘇民峰及李丞責到新光舉行術數大騷！

文：影視組