黃伊汶（Emme）昨日在深圳出席其代理的時尚品牌Galtiscopio開幕活動，懷孕7個多月的她表示最近忙於店舖開張，被老公陳國坤投訴問何時停工。問到老公有否獎勵？她說：「佢同身邊朋友都支持我，佢喺出面搵食，返嚟又幫我煮食，做少屋企嘅嘢已經足夠。（老公緊張？）緊張，身邊每個朋友都緊張過我。」她透露佗慈姑椗，將於3月底、4月初擇日開刀。問在旁的陳國坤會否獎勵老婆？他說：「將身家畀晒佢。（生多個？）梗係要啦！我想追多個女。」

腹大便便的黃伊汶大爆老公陳國坤十分緊張。

至於同場的名模陳嘉容被指飯局價80萬元，她說：「笑話一宗。（唔嬲？）留番啖氣暖吓身。（影響形象？）本身行得正、企得正，係Professional Image，熟我嘅客人同朋友會知。」而鄭希怡笑言要睇Emme兒子帥不帥才決定上契，問到有否分享湊B心得？她說：「成日啦！以為我係任性大肚婆，點知佢仲任性過我！」

攝：嚴偉國深圳傳真