劉青雲與王菀之昨日出席金像獎記者會，擔任頒獎禮司儀的青雲坦言未知拍檔是誰，又笑說：「我有幾好口才大家知，其實當日應承做，我都唔知點解，香港都可以零度啦！我做司儀有乜所謂。（向老友黃子華、張達明請教？）咁又冇，都唔知請教乜好，係好大挑戰。」談到影后心水，他表示並未看過全部電影，說出來不太公平，惟其後又指覺得湯唯不俗。至於影帝，青雲以「鹿死誰手、難分高下」形容。

與劉青雲一起出席記者會的王菀之非常興奮。

至於今年未有提名的王菀之說：「心情既興奮又緊張，因為有機會坐喺青雲隔籬，係個好開始，我當係大家合作第一步。（拍佢做司儀？）為咗金像獎能夠光榮咁繼續舉行，我唔會涉足司儀界！」她又睇好張家輝封影帝。